Ang iro nga si Janjan nakadawat ug medalya atol sa graduation ceremony sa usa ka eskuylahan sa Negros Occidental. | PHOTO: Courtesy Edgie Mae Lumawag
Iro sa Negros Occidental mihakot ug awards sa Codcod Elementary School Extension sa San Carlos City.
Ang paghatag ug award sa iro nga si Janjan gidungan pa mismo sa graduation rites sa maong pampubliko nga tulunghaan niadtong July 11.
Nakaistorya sa BANDERA ang uploader sa maong viral nga post nga si Edgie Mae Lumawag ug nagkanayon kini nga ang mga awards nga nadawat ni Janjan mao ang “Security Award” ug “Loyalty Award.”
Dugang pa ni Eddie nga gawas nga gibantayan sa maong iro ang eskwelahan, mao usab kini ang tigbantay sa mga stay-in teachers.
Naa sa bukid man gud ang maong eskwelahan mao nga kada Biyernes lang makauli ang mga maestra nga stay-in niini.
Chika pa sa uploader, ihatod usab ni Janjan ang mga maestra sa dihang manguli na sila inig Biyernes.
Nagkanayon si Eddie nga ang pagkanaog sa bukid moabit ug tulo ka oras sa paglakaw ug kung makita na ni Janjan nga nakasakay na ug sakyanan ang mga maestra, mobalik na usab kinig tungaw sa bukid ug balik sa eskwelahan.
“Binigyan siya ng SECURITY OF THE YEAR award dahil siya ang tagapag-alaga ng mga guro na umaakyat sa bundok at naghahatid ng mga guro,” sey ni Edgie.
Dugang pa niya, “Siya rin ang tagapag-alaga ng mga guro tuwing Lunes hanggang Huwebes sa paaralan dahil natutulog lang ang mga guro sa paaralan dahil taga-lungsod ang mga guro at nasa bundok ang paaralan.”
“Araw at gabi ay hindi niya iiwan ang mga guro sa paaralan,” matod pa ni Eddie.
Ang original post ni Edgie bahin sa iro nga si Janjan nga gibandera sa Facebook miani na ug libo-libong likes ug comments. /rcg
RELATED STORIES:
| Cebu City Veterinarian: Last 2 out of 108 dogs rescued in Adlaon remain in our custody |
Here’s more proof that dogs are man’s best friends
Cebu City gov’t sues shelter owners, caretakers for neglect of 100 dogs
