Kathryn Bernardo ug Andrea Brillantes
Init nga giistoryahan karon sa social media ang kalit nga pag-unfollow sa Kapamilya actress nga si Kathryn Bernardo kang Andrea Brillantes.
Adunay mga screenshots nga mikatap sa social media kun diin makita nga naka unfollow ang “A Very Good Girl” lead star kang Andrea nga naka-follow pa gihapon niya.
Dali dayon kini nga gisusi sa Bandera nga mitan-aw gyud sa Instagram account ni Kathryn og ilang napamatud-an nga tinuod gyud ang maong chika.
Apan dili pa mahibaw-an kun dugay na ba nga gi unfollow ni Kathryn si Andrea.
Base sa mga screenshoots nga gikan sa mga KathNiel fans, makita nga nag follow sila sa usag-usa kaniadto.
Kun mahinumduman, daghan sa mga supporters sa KathNiel og ni Andrea ang mipalag sa dihang gibalita sa talent manager nga si Ogie Diaz nga gabuwag na kuno ang KathNiel tungod kang Andrea.
Dali nga milaban ang ilang mga fans og nagpakita pa og resibo nga okay kaayo ang ilang relasyon sa usag-usa. Dunay poy pipila nga nagpagawas og screenshots nga naka follow ang duha sa ilang mga Instagram accounts.
Gani, gitawag pa sa ilang mga fans nga “fake news peddler” si Ogie nga ang tumong og tuyo mao ra nga mag-away ang duha.
Apan gi klaro ni Ogie nga wala siya magsulti nga kumpirmado na ang nabalita nga panagbuwag sa KathNiel. Gali, mihangyo pa siya nga motingog ang duha aron maklaro ang maong chika.
“May naibalita lang kami na sinabi naman namin na di pa confirmed at sana di totoo, fake news peddler na raw kami. So pag tama ba kami, sasabitan nyo kami ng medalya?” matud pa ni Ogie.
Karon nga gi unfollow na ni Kathryn si Andrea sa Instagram, mas nahimong kuryoso ang mga Marites nga aduna gyoy dili maayo nga nahitabo sa tulo.
Hangtud karon, tak-om gihapon sila si Kathryn, Daniel ug Andrea sa maong isyu.
RELATED STORIES
Daniel Padilla gushes over Kathryn Bernardo amid breakup rumors
Kathryn Bernardo to Daniel Padilla on 10th anniversary: ‘We did it, love! True love exists’
Kathryn Bernardo, Daniel Padilla among top celebrity taxpayers of 2022
