Robi Domingo ug Maiqui Pineda. Image: Instagram/@mrandmrsfrancisco, Facebook/3rd Avenue
Gikasal na si Robi Domingo sa iyang non-showbiz fiancée nga si Maiqui Pineda sa usa ka simbahan sa Pulilan, Bulacan.
Mi-share ang kumedyante nga si Melai Cantiveros sa iyang Instagram Stories niadtong Sabado, Enero 6, og mga hulagway nga kuha gikan sa maong kasal.
“Nakahabol din ako Robsy-wabsy. Awww, super happy to witness this moment, Robs. We [love you] Rob and Maiqui,” gisuwat nga caption ni Melai sa iyang post.
“Congrats Mr. and Mrs. Robi and Maiqui Domingo,” sey pa niya sa lain nga post.
Image: Instagram/@mrandmrsfrancisco
Image: Instagram/@mrandmrsfrancisco
Image: Instagram/@mrandmrsfrancisco
Ang wedding singers nga 3rd Avenue band mipakita usab og mga hulagway sa ilang Facebook page nga kuha sa kasal.
Makita sa video nga gi-share ni Don Glenmore Reyroso, usa sa mga band members, si Robi nga migakos sa mga ginikanan sa iyang asawa una pa nila gitugyan ang ilang anak sa aktor.
“Happening now is the wedding of Robi Domingo and Maiqui Pineda! What a beautiful day to celebrate love,” matud pa sa maong banda.
Upat ka tuig nga nagkauyab ang duha ug na engage sila niadtong 2022.
Niadtong milabay nga Nobyembre, ilang gipahibaw ang ilang pagpili kang former Vice President Leni Robredo isip usa sa ilang mga wedding sponsors ug godparents.
Si Maiqui na diagnose niadtong July 2023 og rare autoimmune disease. Apan bisan pa man niini, mi-desisyon si Robi nga ipadayon gihapon ang ilang kasal tungod kay kini “something to hope for” alang kang Maiqui.
RELATED STORIES
Robi Domingo assures fiancée diagnosed with autoimmune disease: ‘Whatever happens, I choose you’
Robi Domingo, girlfriend Maiqui Pineda are now engaged
