Bea Alonzo ug Dominic Roque
Nabuhi-an og dugo ang mga fans nila ni Bea Alonzo ug Dominic Roque human mogawas ang hungihong nga mura og nagbalik ang duha.
Dunay mga nagsulti nga gasul-ob na pud kuno si Bea sa iyang engagement ring nga iya na unta nga gihubo sukad mogawas ang balita sa ilang panagbuwag ni Dominic sa milabay nga mga buwan.
Nangutana karon ang madlang pipol kung sinyales ba kini nga madayon na ang ilang giplano nga kasal?
Matud pa sa mga Marites nga makita sa usa ka video slideshow nga gi-post sa Instagram ni Bea nga nagsul-ob na kini pagbalik sa iyang engagement ring. Ang maong mga hulagway gikan sa pictorial sa iyang gi-indorso nga skincare brand.
ALSO READ: Dominic nabuking nga natog sa balay ni Bea, nagbalik kaha sila?
Daghan ang na-excite tungod sa maong mga hulagway. Daghan usab ang mga nagmalaumon nga nagkauli na ang maayong kabubut-on sa celebrity couple.
“Wow suot na makakatulog na ko ng mahimbing,” kumento sa usa ka netizen.
View this post on Instagram
“OMG! Sino nakapansin dito, ‘yung ring?”
Dunay miingon, “Sana nga nagbalikan na. Sayang kasi ang kanilang pagmamahalan. Feeling ko sila talaga ang tinadhana.”
“Love them. Hoping for the best. They still love each other. I can feel them,” matud sa lain pa.
ALSO READ: Pagbuwag nila ni Bea ug Dominic may konek kuno sa prenup agreement?
Apan duna poy mga nag-ingon nga karaan ang video slideshow nga migawas karong bag-o lang sa social media tungod kay taas pa kuno ang buhok ni Bea sa maong mga hulagway.
Buot pasabot nga basin og throwback video lang kini nga kuha niadtong sila pa ni Dominic.
ALSO READ: Bea Alonzo, Dominic Roque confirm split
Ang lain fan, nag post usab og laing video kun diin mubo ang buhok ni Bea ug nag sul-ob kini sa iyang engagement ring.
Sa pagsuwat niining maong balita, wala pa mopagawas og statement sila si Bea ug Dominic sa maong isyu.
Niadtong July 2023, gibandera nila ni Bea ug Dominic ang ilang engagement. Ila usab nga gibahibaw ang ilang plano unta nga magpaksal sa 2024.
