Joey de Leon ug Rendon Labador
NANAWAGAN ang mga fans ni Vice Ganda kang Rendon Labador nga banatan pod niini ang veteran TV host-comedian nga si Joey de Leon.
Kini adunay konek gihapon sa kontrobersyal ug viral “lubid” joke ni Joey sa “Gimme 5” segment sa noontime show nilang “E.A.T.” sa TV5.
Ug murag dunay tuno nga pagpanudya si Rendon sa gi post niini sa iyang Instagram Story gahapon diin mabasa ang ubang mensahe sa mga netizens mahitungod sa isyung naapilan ni Joey karon.
Matod pa ni Rendon nga human siya batikusa ug panghimarauta sa mga fans ni Vice Ganda tungod kay gisita niya kini ug ang uyab niini nga si Ion Perez, karon moduol na sila aron suguon siya nga banatan usab ang “E.A.T.” host nga si Joey tungod sa komedya niini bahin sa suicide.
Kahinumduman nga sa segment nga “Gimme 5: Laro Ng Mga Henyo” niadtong Sabado, Sept. 23, gipangutana ang usa sa mga contestants nga maghatag ug mga butang nga itaod sa liog.
Necklace lang ang nahatag nga tubag sa maong contestant mao nga nihirit dayon si Joey ug, ““Lubid, lubid. Nakakalimutan n’yo.” Ug dinhi nagsugod ug bash ang mga netizens ug giphinumduman kini nga dili angay himoung kataw-anan ang isyu sa suicide.
Baka Bet Mo: Rendon Labador ayaw tantanan si Joey de Leon: ‘Tikom mo na bibig mo at mag-focus ka na lang sa trabaho mo…move on’
Nisaad usab ang Movie and Television Review and Classification Board (MTRCB) nga iimbestigahan nila ang “E.A.T.”, “Taking cognizance of the complaints from the viewing public in relation to E.A.T. Gimme 5 segment aired last 23 September 2023, the Movie and Television Review and Classification Board shall determine if the same are valid and presumably violative of Presidential Decree No. 1986 and/or its Implementing Rules and Regulations.”
Ug tungod kay wala na siya’s Facebook account, sa IG na lang gipaagi ni Rendon ang iyang paghagupit kang Joey. Pasalamat kuno ang comedian nga wala na siya’y FB.
“Joey, pasalamat ka wala na ako sa Facebook. Nakalusot ka ngayon,” ang hirit ni Rendon.
Gi-repost usab ni Rendon sa usa pa ka Instagram story ang mensaheng gipadala kaniya sa mga supporters ni Vice Ganda. Feeling man gud kuno nila nga dili ni imbistigahan ni MTRCB Chairperson Lala Sotto.
Hirit ni Rendon, “Nagalit kayo sa akin dahil idol ninyo ang sinita ko. Tapos lalapit din kayo para i-boses na maitama ang mga mali.
“Ako ang nag-iisang tao dito sa Pilipinas na nagsasabi ng mga katotohanan para maitama ang mga mali, galit pa kayo sa akin. Sino na ngayon ang may lakas ng loob pumuna sa mga ‘yan?” pagmamalaki pa niya.
RELATED STORIES:
Rendon Labador: ‘This is the end of Vice Ganda’s era!’
MTRCB tiniyak na iimbestigahan ang mga reklamo laban sa ‘lubid joke’ ni Joey de Leon
