Claudine Barretto ug Raymart Santiago
Makaboang ang mga bag-ong rebelasyon mahitungod sa kanhi manag-asawa nga sila si Claudine Baretto ug Raymart Santiago.
Kun tuohan ang mga Marites, wala pa gyud kuno maka move on si Claudine sa ilang panagbuwag.
Ug mao kini ang hinungdan nganong wala pa gyud mo sulod og bag-o nga relasyon ang aktres. Naglaom pa kuno kini nga makakuha pa og second chance kang Raymart.
Nahisgutan usab kini sa beterana nga showbiz columnist ug radio-online host nga si Cristy Fermin sa usa sa mga episodes sa iyang “Showbiz Now Na.”
Miingon si Cristy nga kapila kuno misuway si Claudine nga makig uli kang Raymart.
“Mayroon pong lumulutang ngayon na isyu. Ito talaga, kinilabutan ako noong marinig ko ito.,” sey ni Cristy.
“Na kaya raw po nagkakaganito si Claudine Barretto ay tatlo hanggang mahigit na beses siyang nagparamdam kay Raymart na magkabalikan na sila.”
“Pero hindi tinanggap ni Raymart ang kaniyang suggestion,” dugang ni Cristy.
Atol sa ilang programa, gipangutana ni Cristy ang iyang kauban nga si Romel Chika kun motoo ba siya sa maong balita.
“Parang si Claudine parang hindi siya nakakamove-on. (Si Raymart) nakasulong saka nakita mo maayos ang takbo ng buhay, ang karera. Pero si Claudine kasi nawala,” tubag ni Romel nga usa usab ka stand-up comedian.
Para kang Wendell Alvarez nga usa sa mga co-hosts ni Nanay Cirsty, basin gibuhat lang kuno ni Claudine kung unsa ang maayo para sa ilang mga anak.
Sa pagsuwat ning maong balita, wala pay giluwatan nga pahayag sila si Claudine ug Raymart sa maong issue.
Karong bag-o lang, nahimo na usab nga kontrobersyal ang aktres human niya gidetalye kun unsa ang iyang gi-agian sa iyang personal nga kinabuhi.
Apil na sa iyang nahisgutan ang kakuwangan kuno ni Raymart isip usa ka amahan. Iya usab nga gipaningil si Raymart sa milyones kuno nga gikuha niini gikan sa iyang savings account.
Wala motubag si Raymart sa mga akusasyon sa iyang kanhi asawa. Miingon ang iyang abogado nga dunay gag order nga giluwatan ang korte kabahin sa ilang pending nga annulment case.
RELATED STORIES
Claudine sa nawagtang nga mga milyones: Kukunin ko na kung ano yung dapat sa ‘kin
Claudine Barretto says friendship with Raymart Santiago ‘unlikely’ due to his current partner
Claudine Barretto emosyonal nang muling makita si Dennis Padilla: I miss you, Kuya!
