MMFF 2023 REVIEW: Matteo gipabilib ang iyang mga fans sa ‘Penduko’

Matteo Guidicelli kauban ang mga cast members sa ‘Penduko.’

Napuno sa lanog nga katawa ug pakpak ang Cinema 9 sa SM Megamall atol sa premier night sa  “Penduko” ni Matteo Guidicelli niadtong Disyembre 22.

Ang maong pelikula kabahin sa Metro Manila Film Festival (MMFF) 2023.

Ang “Penduko” produkto sa Viva Films, Sari Sari Films at Epik Studios ug gibidahan ni Matteo kauban sila si Kylie Verzosa, Arron Villaflor, Albert Martinez, John Arcilla ug daghan pa.

 

View this post on Instagram

 

A post shared by Matteo Guidicelli (@matteog)

Matud sa balita sa Bandera nga daghan ang na-shock tungod kay wala sila magdahom nga molapas sa ilang expectations ang kinatibuk-an nga produksyon sa “Penduko.”

Klaro kaayo nga gigastohan sa mga producers ang pelikula tungod kay pang international ang special effects niini. Daghan pud ang makita nga mga buhis-buhay nga fight scenes ug nagkalain-lain nga stunts.

 

View this post on Instagram

 

A post shared by Matteo IG Official Account @matteog (@matteoglifestyle)

Nagpatalbugan usab sa ilang acting amg nga beterano nga cast sa pelikula nga sila si John ug Albert nga klaro kaayo nga makakuha og nominasyon sa pagka best supporting actor bisan pa man og fantasy-action ang tema sa maong pelikula.

Matud sa Bandera nga gipakpakan pud og maayo sa mga taw si Matteo tungod kay gipakita niini ang iyang katakos sa pagdala og karakter nga nanginahanglan og lain-lain nga atake ug emosyon.

Sa iyang gipakita sa “Penduko” mura og nagiyahan gyud og maayo si Matteo sa iyang direktor nga si Jason Paul Laxamana sa kada eksena nga iyang gibuhat.

Gipakita ni Matteo nga pwede siya mamahimong action superhero. Iya pud gipakita ang iyang kahanas sa pagpakilig, pagpakatawa ug pagdrama sa iyang MMFF 2023 entry.

Ug may bonus pa. Nagpaka yummy pud si Matteo nga ngapakilig sa iyang mga beki nga fans.

Sa kinatibok-an, gipakita usab ni Direk Jason Paul nga dili lang siya pang romcom o drama. Keri pud kaayo niya ang paghimo og ng action-fantasy ug comedy nga pwede niya ipasigarbo sa tibuok universe.

RELATED STORIES

Matteo Guidicelli says Sarah Geronimo’s parents still don’t talk to him, reveals attempts to visit them

Matteo Guidicelli to Sarah Geronimo: ‘Through thick and thin and all the ups and downs’

Matteo Guidicelli speaks up after controversial wedding